I
Nen z' arcurdeve chiù li juorne e mise
da quande, Mastre Pietre, avé' prighète
la macellèra se', cummère Lise,
d' arpónneje na trippe, già paghète.
E finalmente, chela mortampise,
nu sàbbite la sere jel' ha dète.
Dall'alligrijje l'uocchie j' avé' rise,
e sott'a lu cappòtte l' ha ficchète.
Zi stev' a la Quarésime. La ggente
ch' avé' picchète tant' a Carnivèle
curreve pe la prèdic' alla chiese.
Nu frète capuccine 'ntiligente,
chiamèt'apposte a lu Quaresimèle
avé' 'ncantète tutte lu paese.
II
Passènne pe la chiese, gna ci pènze
di 'ntrarce nghe la trippe ch' avé' sotte?
E ssent' a pridichè di l'astinènze,
di lu ddijune e di la ggente hiotte.
Ma Mastre Pietre, dette 'n cumbidènze,
avé' na fèma nera; lu cappòtte
sopr' a la trippe stregne pe prudènze,
e ssènte sènte chelu frète dòtte.
- Pecchiamo pe la trippa, o mie fidele !...
(Lu Mastre: - L'avrà viste? - L'annasconne)
... è tutte pe sta trippe, mi capite?
Chi pecche pe la trippe nen va 'n ciele !
- Tò, màgnetele tu, vatt' a ttrafonne
E jele jètte 'm bacce 'ndispittite.
|
